Carsons Learning Center Thawknak Tuanbia

Rev. Hrang Cung Hnin (Mission Director)

Carsons Learning Center thawknak tuanbia cu hi bantuk in a si. Indiana Chin Baptist Church (ICBC) Mission Committee nih saunawn khua aruah hnu ah Chin ralzam tampi umnak hmun pakhat a si mi Malaysia ram, Chin ralzam ca ah Indiana Chin Baptist Church nih zeital a tuah khawh mi a um hnga maw tiah ruah asi. Cucaah ICBC Mission Director Rev. Hrang Cung Hnin cu hlathlainak (Survey) tuah ding in September 17, 2024 (Tuesday) ni ah Malaysia ah thlah a si.

Malaysia ah Chin Fellowships, Siangcachimtu le Chin Community hruaitu hna he tonnak

Malaysia ram Chin Refugee Community (CRC) upa hna le Alliance Chin Refugee (ACR) hna nih an ngeih mi Sianginn rian ṭuantu hna he si seh, Malaysia Chin Fellowships hna nih an ngeih mi Sianginn rian ṭuantu hna he ton biaruahnak ngeih arak si.

Indiana Chin Baptist Church, Mission committee nih cu ton biaruahnak le hlathlainak (survey) in a chuak mi cu, Malaysia Chin ralzam fale hna caah Middle School (or) Learning Center dirh hi asi. Indiana Chin Baptist mission committee le  Malaysia Chin Fellowship dih lak he rianṭuan aherh tiah aruah.

Ad hope Committee for Malaysia Chin Mission  

Hi mission rianṭuannak adir khawhnak ding caah  “Ad Hope Committee” cu September 21, 2024 (Saturday) ah ser a si. Ad hope Committee chungtel hna cu, CRC Office rianţuantu dihlak, ACR Office rianṭuantu dihlak, Chin Community hruaitu le Chin Pengtlang Fellowships hna nih an ngeih mi Primary siangcachimtu hna chung in minung pakhat cio telh si.

ICBC Nih Cohlannak

Malaysia Chin Ralzam fale caah Middle School (or) Learning Center cu Malaysia Chin Fellowships le ICBC khrihfabu i bawm in Mission rian ṭuanti a herh tiah ruah asi caah, ICBC nih February 22, 2025) ah rianṭuan dingin  fehter asi.

Mission Tuantinak min

ICBC Mission Committee nih Malaysia Mission rianṭuannak bylaws cu ferhter asi. Amin ah; “ Carsons Learning Center”tiah an sak.